ڕاوێژگا

لە ڕاوێژگای دایکانەدا چاودێری ڕێڕەوی کاتی دووگیانی دەکرێت. لەوێدا بۆ کاتی دووگیانی و خۆ ئامادەکردن بۆ لەدایك بوونی منداڵ ڕاوێژ بەدەست دەهێنیت. هەموو منداڵ و خێزانێك ڕاوێژی تایبەت بە خۆیانیان پێ دەدرێت.

لە راوێژگای منداڵاندا چاودێری و بەرەوپێش بردنی گەشە و گەورەبوونی منداڵ دەکرێت و هەروەها پشتیوانی لە دایکایەتی وباوکایەتی دەکرێت لەوانە لە پەیوەند بە بابەتی پەروەردە و ئاگاداربوون لە منداڵ یان پێڕاگەیشتن بە پەیوەندی نێوان هەردوو هاوسەر. بیچگە لەوەش منداڵ لە ڕاوێژگاوە ڤاکسینەکانی بە گوێرەی بەرنامەی ڤاکسیۆنی نیشتمانی لێ دەدرێت.

لە راوێژگای دایکانە و منداڵاندا هەوڵ دەدرێت کە زوو سەرنج بدرێت کە ئەگەر منداڵێك یان خێزانێك پێویستی بە یارمەتیەکی تایبەت هەبێت هەروەها یارمەتی و پشتیوانی  پێویستی بۆ رێکبخرێت. ڕاوێژگا هاوکاری چڕوپر لەگەڵ لایەنە جۆڕاوجۆرەکان دەکات هەمیشە بە گوێرەی پێویستی خێزانەکە (لەوانە  کاری خیزانی منداڵی شێرخۆرە، پەروەردەی منداڵی بچوك، کارلەگەڵ خێزان، خزمەتگوزاری دەم ودان، تێراپیای پارێزی خواردن، ڕاوێژگای خێزان تەماشای فەرهەنگۆك بکە) ، منداڵپارێز)

ئەگەر سستەری راوێژگا نێگەرانی ئەوە ببێ کە، گەورەبوونی و گەشەی منداڵەکە لە مەترسیدایە، ئەوا دەتوانێ پێکەوە لەگەڵ منداڵەکە یان لەگەڵ دایك وباوکی پەیوەندی بە بنکەی سۆشیالی شارەوانیەکەی منداڵەکەوە بکەن. ئەگەر پەیوەندیەکەیان پێکەوە لەگەڵ خێزانەکە سەر نەگرێ یان ئەگەر بابەتەکە پیویستی بە پەلەی منداڵپاریزی بێ، ئەوا لە هەرحاڵدا کارمەندەکە ئەرکیەتی ئاگاداری بە پێویستی منداڵپارێزی بدات. زۆرتر بخوێنەرەوە، سەبارەت بەوەی کە چێ ڕوو دەدات دوای پەیوەندی کردن یان ئاگادارکردنەوەی منداڵپارێزی، لە پەڕەی وەك کارداری خزمەتگوزاری کۆمەڵایەتیەوە.